(NI ROSE PULGAR)

DAHIL kabilang ang Pilipinas na nasa listahan sa high-risk areas ng African swine fever (ASF) sa bansang Taiwan, simula nitong Lunes, ang lahat ng Pinoy na magtutungo sa nabanggit na bansa  na may hand carry baggage ay mahigpit na isasailalim sa inspection.

Kahapon ay inianunsiyo ng Central Emergency Operation Center na

mayroon aniyang ilang  unreported cases ng ASF, na  na-detect  sa area ng Bulacan at Rizal.

Dahil dito, ang Pilipinas ay inilagay sa listahan ng Taiwan na high-risk areas ng ASF.

Sinabi ng Department of Agriculture (DA)  na ang nasabing  blood samples mula sa  hogs  ay ipinadala sa abroad para malaman ang mga sakit ng mga hayop na tumama sa ilang lugar.

Nabatid kay Agriculture Secretary William Dar na maglalabas lamang sila ng impormasyon matapos ang completion test  mula sa ibang bansa na aabutin ng dalawa hanggang sa tatlong buwan.